أحداث الاخبار

الثلاثاء، 4 يناير 2011

نـفـسـك تـخـتـم الـقـرآن ؟

 
السلام عليكم و رحمة الله و بركاته

صباح مليء بالابتسامات لفرحتنا بأدائنا لكل العابادات الحمد لله
:)
الصبح صحيت بدري و حضرت الفطار بأه لبابا و ظبطت الدنيا
...
بابا قالي ايه الشطاره دي
:)

كسفني اوي والله
ووشي بأه لونه أحمر و حركات الكسوف دي

عارفين مين تاني مكسوف زيي النهارده؟؟

الشمس

اه والله

النهارده معظم الدول العربيه ان ما كنش كلها هتشهد ظاهرة كسوف الشمس دي بأه

طيب عارفين يعني ايه كسوف الشمس ده؟

اطمنوا مش هقولكم كلام علمي مكلكع ولا حاجه
:)

ببساطه كسوف الشمس ده بيحصل لما القمر بيكون ف النص بين الارض و الشمس
فالقمر بيحجب وصول ضوء الشمس للارض
طبعا مش كل الضوء علشان القمر حجمه صغنون اوي بالنسبه للشمس

طيب عارفين احنا المفروض نعمل ايه النهارده؟

المفروض كلنا نصلي صلاة الكسوف
لانها سنه مؤكده عن الرسول عليه الصلاه و السلام
وواجبه على كل مسلم و مسلمه
و يفضل انها تتصلى ف جماعه
و ينادى لها الصلاه جامعه
و المفروض اننا نصلي برؤية الكسوف لا بخبر الحسابين
و اللي البلد بتاعته مش هيحصل فيها كسوف مايصليش
علشان الرسول نهى عن كده

طيب عارفين بتتصلى ازاي؟

اقولكم ازاي

هنصلي ركعتين في كل ركعة ركوعان
اسمعوا كده الحديث ده علشان نعرف سيدنا النبي عليه الصلاه و السلام عمل ايه ساعة كسوف الشمس
فعن عائشة قالت، خسفت الشمس في حياة النبي ـ صلى الله عليه وسلم ـ فخرج رسول الله ـ صلى الله عليه و سلم ـ إلى المسجد فقام فكبر وصف الناس وراءه، فاقترأ قراءة طويلة، ثم كبر فركع ركوعًا طويلاً هو أدني من القراءة الأولى، ثم رفع رأسه فقال: سمع الله لمن حمده ربنا ولك الحمد، ثم قام فاقترأ قراءة طويلة هي أدني من القراءة الأولي، ثم كبر فركع ركوعًا هو أدني من الركوع الأول ثم قال: سمع الله لمن حمده، ربنا ولك الحمد، ثم سجد ثم فعل في الركعة الأخرى مثل ذلك حتى استكمل أربع ركعات (الركعة الأولى المقصود بها الركوع) وأربع سجدات وانجلت الشمس قبل أن ينصرف ثم قام فخطب الناس فأثني على الله بما هو أهله ثم قال: (إن الشمس والقمر آيتان من آيات الله ـ عز وجل ـ لا ينخسفان لموت أحد ولا لحياته فإذا رأيتموهما فافزعوا إلى الصلاة) رواه البخاري ومسلم، ورويا أيضًا عن ابن عباس قال: (خسفت الشمس فصل رسول الله ـ صلى الله عليه وسلم ـ فقام قيامًا طويلا نحوًا من سورة البقرة، ثم ركع ركوعًا طويلاً، ثم رفع فقام قيامًا طويلاً، وهو دون القيام الأول، ثم ركع ركوعًا طويلاً وهو دون الركوع الأول، ثم سجد، ثم قام قيامًا طويلاً، وهو دون القيام الأول، ثم ركع ركوعًا طويلاً، وهو دون الركوع الأول، ثم رفع فقام قيامًا طويلاً وهو دون القيام الأول ثم ركع ركوعًا طويلاً وهو دون الركوع الأول، ثم سجد، ثم انصرف وقد تجلت الشمس، فقال: (إن الشمس والقمر آيتان من آيات الله لا يخسفان لموت أحد ولا لحياته فإذا رأيتم ذلك فاذكروا الله)

طيب يالا مستنيين ايه؟
كله يقوم يصلي صلاة الجامعه

اللهم اجعلنا ممن يستحييون منك فلا يعصوك

ليست هناك تعليقات:

إرسال تعليق

لوحة المفاتيح العربية

World Clock

Windows Live Messenger + Facebook